قصيده مدح باشيخ ممدوح المعنقي الشاعر زيد فهيد الصعيب الحازمي

بديت بسم اللي خلق روح من روح
سبحان ربي منشي مزن وهمايل

يا لله انا طالبك في ليل وصبوح
تغفر ذنوب اللي ذنوبه جلايل

من بعد ذكرك صغت انا قاف والبوح
ومثلي ماقال القول بليا دلايل

الابـه اللي ما بها مثل ممدوح
تبقى ذليله عايشه ب الذلايـل

حيثه من اللي علمهم صار مفضوح
بين العرب والناس وبين القبايل

واكبر فضيحه يخلي الباب مفتوح
في كل حزه يضيف عيال الحمايل

ذا دخلن يمه وذا جاي ويروح
والكل منهم يقلطه سنم حايل

ذي عادة الطيب بلا شرح وشروح
والطيب عسرن مايجي بالسهايل

شيخ الحصين اللي له الرايه تلوح
بالمجد والناموس كاسب الخصايل

المعنقي ممدوح شيخن له طموح
وفي ضف بشته تهون كل الهوايل

من روس قوم بالملاقاء لهم دوح
ليا عتلو من فوق ظهور الاصايل

الحازم الحازم وخذ العلم مسدوح
عيال العود حن دايـمن ب الأوايـل

زيـد فهيد الحازمي

صح لسانك على القصيده